نعيب زماننا

هو موقف بسيط حصل معاي امبارح استفزني قوي

أنا طول عمري أقول الشعب غلبان ومضغوط ومفيش حاجة في إيده ولو الأوضاع اتعدلت هو حيبقى كويس قوي لكن أخدت بالي إني في حاجات كتير الناس بتعملها غلط مالهاش علاقة بالحكومة أبسط مثال رمي الزبالة في الأرض الواحد يبقى ماشي وفي إيده أيا كان علبة كانز شيبسي شوكولاتة ويروح مخلص ورامي الورقة في الأرض ده الواحد والله العظيم لو في إيده غطا علبة ولا ورقة لبان لورميتها في الأرض عشان مابلاقيش حوالي أي باسكيت ببقى مكسوفة قوي من نفسي طيب ماشي ساعات بحاول أعديها والتمسله أي عذر أهو مالقيش باسكت جنبه مستعجل أي حاجة والسلام لكن أشوف حد بيرمي حاجة في النيل دي مش بس حاجة مستفزة دي حاجة تحرق الدم يعني أنت أساسا غرضك الأذية مش عشان مش لاقي مكان تحط فيه اللي معاك امبارح وأنا قاعدة في ساقية الصاوي مكملتش ساعة الموقف ده اتكرر مرتين منهم واحد حدف كرتونة كبيرة كان نفسي أقوم ارميهاله في وشه تاني ليه كده يعني مش عارفين نعمل أي حاجة كويسه وبنتلكك بالبطالة والتلوث وأول ماتتكلم مع حد يقولك أصلي حال البلد ومش عارف إيه أقل شيء أدفع أذاك عن الناس يا اخي النيل اللي بنشتكي إني الميه بتاعتة ملوثة نقوم احنا نبوظها أكتر يا أخي عايز ترمي ومش لاقي مكان أرمي في الأرض( أنا بضايق قوي من دي كمان بس اقل الضررين) لكن في النيل دي حاجة صعبة قوي احنا لازم نغير من نفسنا عشان نعرف نغير اللي حوالينا حضرتك بقدراتك البسيطة رميت أي حاجة في إيدك باقي وجبة اشتريتها قزازة عصير خلصتها يبقى ماتلمش الناس اللي عامل مصارف على النيل لأني منطق حضرتك بقدراتك حاليا هو نفس المنطق لو سيادتك بقيت مسئول كبير الجبل الكبير اصله حجارة صغيرة لو كل واحد قال أنا مالي وانا مليش دعوة عمرنا ما حنتغير ابدا بنفسك وبعدها حاول مع غيرك أنا لما بلاقي حاجة كبيرة ومش لاقية مكان أرميها بحطها في شنطتي لحد ما أروح يعني من الآخر شنطتي بتبقى هي الباسكيت بس لو كنت اليومين دول عند حد من قرايبي بيبقى شكلي وحش قوي وانا داخلة أرمي بقايا كل ماأكلته اليوم في الكلية خاصة مع واحدة مفجوعة الحمد لله

ملاك الصمت

إنه ذلك الملاك الذي يخيم فوق رأسي حين أشعر بأن لكلام ضرورة و أنه علي أن أتم المعنى .. ذلك الملاك الذي يجعل الكلمات في ذهني كسراب أحاول الإمساك به فلا افلح .. ذلك الملاك الذي طالما تمنيت البكاء بسببه لعدم استطاعتي ان أكمل المعنى أو أوضح سرائر الامور.. ذلك الملاك الذي قد يتغافلنا تماما فنسقط في الخطأ بسببه وقد كان بمقدوره ان يحمينا من ذلك .. آه من ذلك الملاك او ذلك الشيطان فلست ادري من منهما .. هو ذلك الذي يشعرنا بضرورة الكلام حين يكون فيه أذية للآخرين او إفشاء سر لأحدهم و يشعرنا بأهمية الإحجام عن الكلام إذا كان فيه نصح أو خير أو وصف لرقة مشاعرنا تجاه أحبائنا.. هو ذلك الذي إن أثرنا لاسباب تافهة وتفوهنا بكلمات الغضب .. لا يعيرنا أي اهتمام و ينظر إلينا بترقب وهو مطمئن في رحيله .. يجثم علينا في أوقات لا نريده فيها .. و يتخلى عنا في أوقات اشد ما نكون حاجة إليه .. صمت حين يجب الملاك ! ............................................. وكلام حين يجب الصمت! ............................................. أهو ملاك يتصرف أحيانا كشيطان ؟؟؟؟؟؟؟؟؟؟؟؟؟؟؟؟أم شيطان يتصرف أحيانا كمـــلاك ؟؟؟؟؟؟؟؟؟؟؟؟؟؟؟؟

رجعت ريما لعادتها القديمة

نفس الموقف ونفس اللحظة تتكرر بنمط ممل الفراق هو هو...

بكل بشاعته.. وآلامه..

بكل الأحلام التي تنهار فجأة..

بكوب الشاي الذي وددنا أن نكمله سويا .. فما استطعنا..

بضحكاتنا التي بترت فجأة ..

بأمانينا أن العام القادم سيأتي واحبابي على مثل حالهم فمن تزوج لن ينجب ..ومن انجب لن يكبر مولوده...والأهم أن من لم تتزوج ستظل تنتظرنا حتى نجلس ونفكر ونلهو سويا العام القادم..

حتى نخط أحلامنا بعصى صغيرة على الرمال...

حتى نشارك بعضنا الفرحة بزواج قريب أشعر حينها بأني أنتمي إلى هذه العائلة ...

وتمضي السنون وتمضي معها الأحلام البريئة فكل شيءتغيركل من كانو هنا رحلوا كل من تمنيت الجلوس معهم ذهبوا بعد ان أتيت أنا..

بعد أن أقسمت لهم ووعدتهم بأني لن أرحل مرة أخرى ..

نعم وعدتهم على الرغم من عنف الجزاء بعد ذلك...

فارقت أهلي لأرجع لحضن وطني ولأحبابي ...

هي الحياة كما هي مصرة على ابعاد حبيب عني ...

تألمت من البعد عدت في وعودي تمنيت العودة كماكنت فذاك الحل أفضل...

أريد أهلي ومن ثم أفكر في الباقي ولم يكن الحل بيدي..

ولكن حلها ربي فعاد إلي أهلي ...

ماعدا والدي كأن من المحال أن أعيش دون فراق ..دون لحظات ألم ووداع ..

نحاول بعد ذلك أن نرأب ذلك الصدع في هذا الجدار ..ونعود كما كنا ..

وتمشي الأيام وتمر ..فيعود أبي فأحن إليه وأتذكر أيامنا حينما كنا سويا ..

أتذكر قبلاته الدافئة ...

أتذكر ضحكاته التي تبعث في الأمل...

أتذكر ثقته في وأنني سيكون لي مستقبل باهر..

أتذكر حنانه الذي لم أجد له مثيل..

أتذكر تدليله لي المستمر...

وأتذكر وأتذكر ...

لكن لا أنسى أن أتذكر أيضا وداعه المرات الماضية ..وأن هذا الوداع سيتجدد وهذه الدموع ستنزل...

وتمر الأيام ويجيء الوقت المحدد ...الفراق والألم والشوق واللهفة والخوف من المجهول ...

وأتذكر أيام الطفولة ودعائي لربي ان يحفظ أحبابي على نفس صورهم لاأريد من أحد أن يتحرك حتى أعود إليهم ...

فأشعر أن أبي في داخله يردد هذا الدعاء يتمنى أن يرانا في جميع مراحلنا العمرية وأن لا يفوته شيئا منها ...

وارى الدموع في مقلتيه تتجمع وفي مقلتي تتكاثف فأشعر بأن وقت الدموع قد حان وقت الخوف من المجهول آت ..

أتمتم بالدعوات داخلي يارب احفظه لي وأعده لي سالما غانما ..

يارب احميه من كل شر ..يارب هون عليه الغربة ويسر له أموره ...يارب كفانا فراقا والم كفانا ذلك يالله..

أشعر بالراحة قليلا وبالتوكل على الله وأن الله لن يضيعنا أبدا ....

أتنفس الصعدأ بأني قد صرت كبيرة ولن أبكي مرة أخرى وسانتظر الزمن يجود علي بعودة أبي ..

فأشم رائحة عطره عالقة في ثيابي فأنسى ماكنت أوصي به نفسي وتتجمع الدموع مرة أخرى مصرة على هزيمتي فأعرف أنني مهما كبرت أملك مشاعر طفلة........

عالم من خيالي

أشعر بأن اليوم جميل مع أني لست على مايرام...

هناك شيءما يضايقني .. يحرك جذوة الغضب داخلي ..

يشعرني بالخجل ربما من نفسي.. وربما لأني وٌجِدت هنا ....

أشعر مرة أخرى بأني لست على مايرام... هل لأني لاأسكن إلا عالما من خيالي وأتطلع إلى الناس أن يعاملوني على أساسه...

كم هي جميلة صورتي الذاتية ...كم هي رائعة رؤيتي لذاتي...

أتخيل نفسي دوما لا معة باهرة أحقق كل خيالاتي وما أصبو إيه ...

أشعر في داخلي بأني فنانة أرسم بالكلمات أحلى المعاني ...

أشعر بأني مفكرة أجوب العالم بفكري وأدلي فيه بأرائي ...

أشعر بأني أديبة أملك قلبي وافكاري وكلماتي ...

أشعر بأني ناقدة تحب أن ترى الأمور في موازينها الصحيحة...

ربما اعتبرني البعض ساذجة ... أو أهذي بأحلام وهمية لن ترى النور يوما ....

ربما هناك من يتمنى لي أحلاما سعيدة ويرحل ...

وربما يشفق علي البعض من يوم أفيق فيه من أوهامي وأرى الواقع بنظرة أخرى...

وربماقد يرى في البعض أملا وحلما ولكن للأسف لن يتحقق ...

قليلون من وجدوا في ماوجدته أنا في نفسي ..

أملك حماسا رائعا لأحقق ماأريد ... وتخطيطا منظما ولكن

مشكلتي قد أدلل نفسي في وقت أحتاج فيه لقمة الجد ولا مجال فيه للهزل...

هل أنا ساذجة حقا ؟؟؟؟؟؟؟؟

هل أهذي فعلا؟؟؟؟؟؟؟؟

يالله إن كنت كذلك فلما خلقتني بهذا الطموح وهذه العزيمة وبهذه الرؤية المختلفة عما حولي .....

قد أستمع إلى رأي الأغلبية فاكتشف أني كنت على حق في طموحي ولكن بعد فوات الأوان.....

وقد أصر على تفكيري فأكتشف بعد مرور الوقت أني ماكان لي أن أتزعم أمور يرى غيري أني سأعجز عن تحقيقها .....

ساعدني ياربي ... صحح من أخطائي .. فإما أن توافق صورتي الداخلية ماأنا عليه الآن ......

أو أن أحور واقعي ليطابق صورتي الداخلية .......

كم هي جميلة تلك الصورة ..

ثقتي فيك ياربي أن الناس ستراني يوما ما بصورتي الداخلية وستساعدني على إبرازها اكثر .......

رحم الله جمال عبد الناصر

رحم الله جمال عبد الناصر زعيم الأمة نعم رحمك الله ياجمال أيا كانت الخلافات حولك

رحمك الله مهما تكاثرت الأقوال حول خطاياك أو ذنوبك

قد يكون لك أخطاء جسيمة أو ترتب عليها أمور خطيرة

ولكن يكفي أنك كنت تحمل هم هذه الأمة

نعم لم تكتفي بحمل هم مصر فقط على الرغم من كثرة المشاكل التي أحاطت بها

كان شغلك الشاغل الأمة العربية أجمع

واجهت في حياتك ضغوطا كثيرة لاينوء بحملها إلا العصبة من الرجل

كنت عصاميا يدافع عن أرضه ضد أي عدو غائر

كان قلبك على الوطن حتى وإن كان هناك محسوبيات أووسائط في زمنك

حتى وإن كان قد اخترت الرجل الخطا في المكان الخطأ

حتى وإن كان الجيش فيه مافيه

فقد فكرت فينا ياجمال فكرت في الشعب المحروم من الحياة الحسنة من التعليم والعلاج من أن يعيش بكرامته على أرض بلده

من من الحكام فعل مثلك ؟

من منهم احتذى حذوك؟

نعم أقولها بأعلى الصوت رحمك الله ياجمال رحمك الله ياحبيب الملايين وأسكنك فسيح جناته وعفى لك أخطائك وتجاوز عنها

قد تركت في قلوبنا بصمة وفي روحنا ندبة من حالنا ومانحن عليه الآن ولكن رب جمال قادر على أن يهبنا ألف جمال يحي هذه الأمة من جديد (ماعدا جمال اللي في بالك)

ملحوظة : مش عارفة أناماشية معايا بترحم على خلق الله مش عارفة ليه يمكن لأني مش شايفة من الموجودين حد راجل بجد يكون مسئول عن تصرفاته حتى على أصغر المستويات على رأي حنفي في المتزوجون أنت رجل والرجال قليل بس للأسف الرجال القليل بالنسبالي كلهم ربنا يرحمهم ربنا يستر ومافتكرش حد تاني في سلسلة الأموات

ده احنا حتى في العيد كل سنة وأنتم طيبين

رحم الله عمر

عندما كان عمر على فراش الشهادة يستشير من يخلف بعده استشارعليه رجل أن يستخلف ابنه عبد الله فقال عمر:قاتلك الله !والله ما أردت الله بهذا ! لا أرب لنا في أموركم ،فما حمدتها فأرغب فيها لأحد من أهل بيتي ،إن كان خيراً فقد أصبنا منه ،وإن كان شراً فقد صرف عنا....بحسب آل عمر أن يحاسب منهم رجل واحد ويسأل عن أمة محمد... أما والله لقد جهدت نفسي وحرمت أهلي، وإن نجوت كفافاً-لا وزر ولا أجر-إني لسعيد

رحم الله عمر رضي الله عنه مش عارفة حاسة إني الموقف بيتكلم عن نفسه مش محتاج كلام

قد الإيه الإنسان المسئول يبقى خايف من ربنا من المسئولية اللي ربنا ادهاله إزاي يبقى خايف مايكونش قدها أو ربنا يعذبه بسبب الناس اللي نسيهم أو تغاضى عن حقوقهم

أمال احنا فين الإحساس ده عندنا إزاي يبقى الواحد مسئول عن ملايين من البشر ومش خايف من حساب أو عقاب

إزاي يجيله نوم وهو حاسس إني نص شعبه مش لاقي الأمن ولا الأكل ولا الغطا

آه ياعمر بن الخطاب لو ترى حالنا الآن لو ترى حال امة حبيبك محمد صلى الله عليه وسلم لو ترى شعوبنا كيف تهان

ليه وصلنا للحال ده ليه الفساد عندنا بقى كده كل اللي أخد سلطة عاجباه ومش عايز يسيبها وبيهيأ الطريق لابنه ياخدها من بعده

إنت مش خايف من ربنا

طب بلاش كده مش خايف على ابنك من العذاب

أنا أعرف إني الأب لما بيبقى بيعمل حاجة غلط بيبقى مش خايف على نفسه قوي حتعذب ولا لأولا الكلام ده لكن أول مايحس ابنه حيمشي في الموضوع ده يخاف عليه ويقول لأ كله إلا ابني حرام عليا أودي للهلاك بإيدي أمال احنا عندنا مش كده ليه؟

إزاي ادي ابني كل المسئوليات دي إزاي أقوله روح للنار برجليك

يااااااااه قد إيه إنت عظيم ياسيدنا عمر حاكم بجد

ده اللي اتقله عدلت فأمنت فنمت

ده اللي في عهده لما جاتله كنوز كسرى مع الناس محدش خد منها حاجة مع إني في حاجات من اللي بيقوله عليها ماخف حمله وغلا ثمنه محدش مد إيده عشان الناس خايفة من ربنا مش من حاكم ولا من بشر

ده اللي قاله علي بن أبي طالب عدلت فعدلوا ولو رتعت لرتعوا نفسي الرساله دي توصل لكل الحكام والرؤساء ياجماعة لو عدلتم لعدلت شعوبكم ولو رتعتم ..................

أشعر أني أحسن

قصيدة من ديوان المفترق لشاعر جميل جدا اسمه عبد المنعم حسين

أشعر أني أحسن

اليوم أشعر أني أحسن

ربما لأني لم أدقق النظر في وجوه الناس

وأهتم بالتفاصيل فلم أحزن

أو لأني لم أر أطفال المدارس الفقيرة

لم أتمعن في أجسادهم النحيلة و لقيماتهم

التي لا تغني ولا تسمن

أو لأني لم ألتق بعجوز أجهدها الفكر

وفي كهف الحيرة تسكن

أو لأني لم أرمن حكم عليهم بالحياة

على أرض تُعذَب فيها أو تَجبُن

أو لأن الجو اليوم تحسن

أو لأني اليوم أبله لم أفكر

وأنا عندما لاأفكر

أشعرأني أحسن..أحسن

اشتغــــــــــــــــــــــــــــــــــالات

اشتغالات اسم برنامج بيتعرض دلوقتي على التفزيون بغض النظر عن إنه برنامج لطيف وخفيف وكوميدي اتضايقت لما شفته لأني حسيت إني الشعب المصري مش كله بس على الأقل أغلبه تافه وبيمشي ورا كلام الناس ومابيتحققش من المعلومة اللي وصلتله

البرنامج فكرته بتقوم على إن المذيعة بتخترع حاجة وهمية وتبدأ تسأل عليها المواطن في الشارعمثلا شخصية زي عم دهب بتاع بطوط تبدأ تكلم المواطن على إنها شخصية حقيقية وتقوله طبعا أكيد حضرتك عارف رجل الأعمال الكبير عم دهب اللي كان بيساعد الناس وليه مشاريع كتيرة في مصر طبعا الدخلة دي بتبلف الشخص اللي قدامها مايقدرش يقولها لأ معرفش عشان مايحرجش نفسه قدام المشاهدين فبيقولها آه طبعا تقوله طب قولي بعض مشاريعه ويبدا الأخ يسترسل من دماغه كانه بيحكي قصة قبل النوم تقوم سالاه تتوقع عياله حيقدروا يكملوا مشاريع بباهم الخيرية والاخ لازال مسترسلا

وسؤال تاني برضه بتسأله بالدخلة المعتاده طبعا أكيد كلنا عارفين ابن عنترة الأندلسي اللي كان بطير بجناحين كان في أي عصر يبدأ برضه الغلبان اللي واقف يستخدم عقله الغلبان لافتراض أي عصر تقوله طيب كان عنده كام ولد يبدأ يألف برضه

والسؤال اللي بيبين قد إيه محدش عارف يقول معرفش, طيب اشرحيلي شوية حضرتك ,سؤال هروب أبوالهول وتتوقع هرب إزاي وكان قرفان مننا ولا باع نفسه لدولة أخرى

حاجات بجد تكسف الناس بتشوف البرنامج تضحك لأن فعلا شر البلية مايضحك تخيل الشعب تلات أربعه عامل نفسه مثقف مكسوف يقول معرفش مع إني نصف العلم لا أدري

الإمام مالك رحمه الله سئل في مرة في عدة مسائل جاوب على أغلبها بلا أدري ما أقلش لأ إزاي أنا فقيه المدينة ولي شأني أقول معرفش

سبحان الله من المنطلق ده حاجات كتير بتحصل بالشكل ده يعني في شخص مستعد يتوهك ويدخلك في أي شارع عشان بس مايقولش ما أعرفش يفتي لك في حكم حلال ولا حرام عشان بس إنت قصدته ومايقدرش يقولك معرفش وحاجات كتير قوي بالشكل ده مع إني لو بصينا لها من منظور نفسي الشخص ده مش واثق مننفسه لأني لو واثق وعارف إمكانياته وحدودها مش حيحس إنه السؤال ده إحراج ليه بأي شكل اما اللي شخصيته مهزوزه هو اللي حيتوتر ويقول انا شكلي حيبقى وحش لومعرفتش

عايزين نطلقها من هنا دعوة لكل الناس

نصف العلم لا أدري

انا مش معاهم

أنا مش معاهم اسم شدني جدا من أول ماشفت فيلم أحمد عيد بس بقى له عندي معنى تاني

خالص وحسيت فعلا إني أنا مش معاهم مين هم دول ؟دول أي حد أيوة أنا مش مع حد اكتشفت إني غير الناس اللي حواليا بفكر غير, بتكلم غير, بعيش غيرلحد مااضايقت قوي

لما تحس إنك كويس واللي حواليك يحسسوك لأ إنت سيءإنت مابتفكرش زينا انت غلط

لدرجة إني احترت ياترى مين الغلط ومين الصح هما ناس عايشة حياتها عادي تاكل

وتشرب وتجوز وتخلف ومن ثم يعيد أبناؤهم الكرة وبيعبدوا ربنا مش كافرين بس العبادة

النمطية بيصلوا ويصوموا ويذكروا ربنا وخلاص مفيش في دماغهم اي حاجة تاني بينموا

على الناس آه عادي , يتريقوا على خلق الله برضه عادي , يحبطوا كل اللي حواليهم عادي

لما يجي حد يغير ويقول ياجماعة الدنيا فيها حاجات تانية إيه رأيكوا تخدمو اسلامكو تشتركو

في جماعة خيرية لأ إيه رأيكوا نسمع شعر , نقرأ كتب ,نشوف برامج مفيدة كله لألألأ يعني

انتي اللي حتغيري العالم ياماما ريحي دماغك وعيشي زينا بس أنا صعب عليا ألغي دماغي

وأعيش زي مابيقولوا

أنا حاسه إني سقطت من الزمن السابق خطأًهنا مش عارفة له حاسة إني أشبه

قوي الناس أيام الثورة وأيام جمال عبد الناصر ناس كانت بتفكر صح ناس كانت بتحب

بلدها وبتحاول قدر الإمكان توقفها على رجلها كان فيه فكر كان فيه حرية بصراحة كان

زمن جميل طبعا اللي بيسمع الكلمتين دول بيقولولي بطلي هبل وعيشي الواقع ووووووو

كبري دماغك عشان كده قررت إني أنا مش معاهم

رمضان كريم

طبعا أكيد باين إني لسه المدونة دي جديدة نوفي بس أمنيتي يعدي عليها سنة و اتنين وتبقى حاجة جامده تفيدني وتفيد غيري معايا

لأني أول مابكتب حاجة أكيد بتكون حاجة محيراني وعايزة أفهمها فنفهمها مع بعض أو حاجة قربت اطق منها ومش عارفة أطق فين فباجي هنا أطق أو فايدة تفيدنا لنا أولهم أنا أكيد مش كل نصيحة أو حاجة حكتبها أنا بعملها كل الفكرة بنحاول نذكر بعض وطبعا قبل كل شيءرمضااااااااان كريم وبعدين معلش لازم تستحملوني شوية لحد مااعرف اتعامل مع الكائن الفضائي اللي اسمه مدونة بس كل اللي اقدر أقوله إني عندي أفكار كتير قوي يارب تكون قوية تفيدنا كلنا وكلكم معايا بمشاركتكم وربنا يوفقنا