قصيدة من ديوان المفترق لشاعر جميل جدا اسمه عبد المنعم حسين
أشعر أني أحسن
اليوم أشعر أني أحسن
ربما لأني لم أدقق النظر في وجوه الناس
وأهتم بالتفاصيل فلم أحزن
أو لأني لم أر أطفال المدارس الفقيرة
لم أتمعن في أجسادهم النحيلة و لقيماتهم
التي لا تغني ولا تسمن
أو لأني لم ألتق بعجوز أجهدها الفكر
وفي كهف الحيرة تسكن
أو لأني لم أرمن حكم عليهم بالحياة
على أرض تُعذَب فيها أو تَجبُن
أو لأن الجو اليوم تحسن
أو لأني اليوم أبله لم أفكر
وأنا عندما لاأفكر
أشعرأني أحسن..أحسن
المشاركات
هناك ٣ تعليقات:
مش عارفة يا ايفيتا انا مش معاه , عدم التفكير راحة مش بلاهة....
الواحد لما يفكر كتيير مخه بيروح لحتت غلط وبالتالي هيوصل للاكتئاب , مثلا كتر التفكير في بكرة في المستقبل في حاجات الله اعلم تحصل ولا ما تحصلش كلها بايد ربنا وفي علم الغيب , مش هناخد حاجة منها غير الضيق والقلق....
يبقى اسيبها على الله واتوكل عليه وابطل تفكير في حاجة مالهاش لازمة....
انا مش قصدي اني ما احسش بالفقراء ولا افكر فيهم بالعكس ده الرسول قال حديث فيما معناه ان اللي مش مهتم بأحوال المسلمين يبقى مش منهم....انا قصدي التفكير في امور غيبية بايد ربنا...
يلا استمري يا جميلة....
أكيد طبعا المقصود من الكلام ده مش كتر التفكير في المستقبل لأني الحاجات دي بإيد ربنا وممكن تعمل للواحد قلق أو خوف من المجهول
بس أنا بقول أو الشاعر هو اللي بيقول على لسان اغلبنا إني لازم نفكر في الدنيا حوالينا في الأوضاع اللي عليها بلادنا في الناس الفقيرة في كل حاجة حوالينا غلط و إزاي نصلحها واليوم اللي مابنفكرش فيه ده اللي الواحد بيحس فيه بتفاؤل مش عشان الاوضاع اتغيرت لأ عشان هو مفكرش فيه
مرسي جدا على ردك وعلى التوضيح اللي وضحتيه ممكن حد فعلا يفهمه كده بس أكيد ده مش قصدنا من الابيات أنا سعيدة جدا بإضافتك يالوتي ويارب تكوني معايا دايما ومواضيعي تعجبك
جميل جدا
إرسال تعليق